ବ୍ରହ୍ମପୁର : କେନ୍ଦ୍ର ସରକାରଙ୍କ ଗରିବ ଓ କୃଷକ ମାରଣ ନୀତି ବିରୋଧ ରେ ଆସନ୍ତା୧୬ ଫେବୃଆରୀ ରେ ଉପଜିଲ୍ଲାପାଳଙ୍କ କାର୍ଯ୍ୟଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବ ଜିଲ୍ଲା ବିଜେଡି। ଏ ନେଇ ଭାବାନଗର ସ୍ଥିତ କାର୍ଯ୍ୟଳୟ ଠାରେ ଆୟୋଜିତ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ବିଜେଡି ଜିଲ୍ଲା ସଭାପତି ଡା. ରମେଶ ଚନ୍ଦ୍ର ଚ୍ୟାଉପଟ୍ଟନାୟକ।କେନ୍ଦ୍ର ସରକାରଙ୍କ ଗରିବ ଏବଂ ଚାଷୀଙ୍କ ମାରଣ ନୀତିକୁ ଏଠାରେ ତୀବ୍ର ନିନ୍ଦା କରାଯାଇଥିଲା।ଏଥି ସହିତ ରାଜ୍ୟ କ୍ୟାବିନେଟ ଉପକୂଳର୍ବତି ନଅ ଟି ଜିଲ୍ଲାରେ ଡ୍ରେନେଜ ଉନ୍ନତି ପାଇଁ ରାଜ୍ୟ ସରକାର ୨୨ଶହ କୋଟି ଟଙ୍କା ବ୍ୟୟ ବରାଦ କରିଛନ୍ତି।ଯାହା ଫଳରେ ବ୍ରହ୍ମପୁର ଗଞ୍ଜାମ ଜିଲ୍ଲାର ସାପୁଆ ଓ ବାହାନା ନାଲର ପୁର୍ନଉଧାର ହୋଇପାରିବ।ଏବଂ ସହରରେ ଦେଖା ଦେଉଥିବା ବର୍ଷା ଜଳ ନିଷ୍କାସନ ସମସ୍ୟା ବହୁ ମାତ୍ରାରେ ସୁଧୁରୀ ଯିବ ବୋଲି ବିଧାୟକ ବିକ୍ରମ କୁମାର ପଣ୍ଡା ସୂଚନା ଦେଇଛନ୍ତି।ରାଜ୍ୟ ସରକାରଙ୍କ ଏଭଳି ନିଷ୍ପତ୍ତି କୁ ସ୍ୱାଗତ କରିବା ସହିତ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କୁ ଧନ୍ୟବାଦ ଦେଇଛନ୍ତି ମେୟର ସଂଘମିତ୍ରା ଦଳେଇ।ଏହି ଅବସରରେ ବିଧାୟକ ବିକ୍ରମ ପଣ୍ଡା, ମେୟର ସଂଘମିତ୍ରା ଦଳେଇ, ମହାନଗର ସଭାପତି ବିଜୟ ସାମଲ, କାଜୁ ନିଗମ ଅଧକ୍ଷ ସୁବାଷ ମହାରଣା, ମହିଳା ସଭାନେତ୍ରୀ ସୋନାଲି ଗନ୍ତାୟତ, ଯୁବ ସଭାପତି ଅଜିତ ପଣ୍ଡା, ଛାତ୍ର ସଭାପତି ଶୋଭାନ ନାୟକ ,କର୍ପୋରେଟର ଟି. ତ୍ରିପାତି ପାତ୍ର ପ୍ରମୁଖ ସାମ୍ବାଦିକ ସମ୍ମିଳନୀରେ ଉପସ୍ଥିତ ଥିଲେ।